Մեծի Տանն Կիլիկիո Արամ Ա կաթողիկոսը հանդիպել է Լիբանանի քաղաքական առաջնորդների հետ` քննարկելու համար անկայուն շրջանում Սիրիայում հայերի վիճակին առնչվող հարցեր, հաղորդում է «Nouvelles d`Arménie»-ին:
Հիշեցնելով Սիրիայի կողմից 1915թ. Հայոց ցեղասպանությունից մազապուրծ հայերին ընդունելու մասին` Մեծի Տանն Կիլիկիո կաթողիկոսը կոչ է արել զգույշ լինել եւ հակադիր ուժերի ազդեցության տակ չընկնել: Նա սիրիահայերին կոչ է արել համախմբվել եկեղեցու շուրջ` խուսափելով զգացական հայտարարություններից, որոնք կարող են վատթարացնել Սիրիայում քրիստոնյաների վիճակը: Կաթողիկոսը խնդրել է նաեւ օժանդակել այդ իրադարձություններից տուժած ընտանիքներին: