Աշխարհի առաջին համար Մագնուս Կարլսենի եւ երրորդ համար Լեւոն Արոնյանի պարտիան ավարտվեց ոչ ոքի:
Մոսկվայում մեկնարկած աշխարհի 8-րդ չեմպիոն Միխայիլ Տալի հուշամրցաշարի առաջին տուրում Լեւոն Արոնյանը սպիտակներով մրցեց նորվեգացի Մագնուս Կարլսենի հետ: 52-րդ քայլում գրոսմայստերները համաձայնեցին ոչ ոքիի:
Ոչ ոքի ավարտվեցին նաեւ Վիշվանաթան Անանդ - Սերգեյ Կարյակին, Հիկարու Նակամուրա - Բորիս Գելֆանդ պարտիաները: Եվրոպայի եւ Ռուսաստանի չեմպիոն Յան Նեպոմնյաշչին սեւերով հաղթեց Վլադիմիր Կրամնիկին, Վասիլի Իվանչուկը սպիտակներով հաղթեց Պյոտր Սվիդլերին:
Այս տարի Տալի հուշամրցաշարը 22-րդ կարգի բարդության է: Մասնակիցների միջին վարկանիշը 2776 է:
