Մեծ Բրիտանիայի պաշտպանության նախարար Գրանտ Շեփսը BBC-ի հեռուստաեթերում հայտնել է, որ ամառը դժվար է լինելու ուկրաինական բանակի համար, բայց նա կդիմանա։
Շեփսը պատասխանել է BBC Breakfast առավոտյան հեռուստածրագրի հեռուստավարների հարցերին եւ մեկնաբանել է ռուսական զորքերի նոր հարձակումը Խարկովի մոտ։
«Չեմ կասկածում, որ ամառը դժվար է լինելու, բայց կասկած չունեմ, որ Ուկրաինան կկարողանա դիմանալ»,- ասել է Շեփսը։
Նա ավելացրել է, որ Ուկրաինան «միշտ գերազանցել է աշխարհի ակնկալիքները», եւ իրավիճակը երկրի համար մնացել է բարդ 2022թ. փետրվարին ռուսական մասշտաբային ներխուժման սկզբից։
Շեփսին հարցրել են, թե արդյոք ԱՄՆ-ի վրա չի ընկնում մեղքի մի մասը Խարկովի մարզում իրավիճակի սրման համար, քանի որ ամերիկյան Կոնգրեսը մոտ վեց ամիս չկարողացավ օրենք ընդունել Ուկրաինային նոր ռազմական օգնություն ցուցաբերելու մասին։
Բրիտանացի նախարարը պատասխանել է, որ իսկապես մտահոգվելու պատճառներ տեսնում է Ուկրաինայումտեղի ունեցողվի հանդեպ ուշադրության նվազման հետ կապված։
Շեփսի խոսքով՝ բոլորին է հայտնի, որ ԱՄՆ ներքաղաքական խնդիրները հանգեցրել են որոշ հարցերի, բայց այժմ պետք է կենտրոնանալ ապագայի վրա, քանի որ չի կարելի փոխել այն, ինչ արդեն տեղի է ունեցել։