ԱՄՆ նախկին նախագահ Դոնալդ Թրամփի Boeing 757-ը բախվել է մեկ այլ ինքնաթիռի Ֆլորիդայի օդանավակայանում, տեղեկացրել է Reuters գործակալությունը՝ հղում կատարելով իրազեկ աղբյուրին։
Ինչպես տեղեկացրել է գործակալության զրուցակիցը, Թրամփի ինքնաթիռը Ուելս Փալմ Բիչ միջազգային օդանավակայանի թռիչքուղում թեւով հարվածել է բիզնես-ջեթին։
ԱՄՆ Քաղավիացիայի դաշնային վարչության (FAA) հաշվետվությունում նշվել է, որ մասնավոր Boeing 757-ը հարվածել է կայանած կորպորատիվ ջեթին, բայց փաստաթղթում նշված չէ, թե որ ինքնաթիռն է եղել Թրամփինը, նշել է Reuters-ը։ Գերատեսչությունը հետաքննություն է սկսել։
Նախկին նախագահի շտաբում գործակալության հարցմանը չեն պատասխանել։ Շաբաթ օրը, գործակալության տեղեկացմամբ, Թրամփը հանրահավաք է անցկացրել Նյու Ջերսիում, իսկ միջադեպը տեղի է ունեցել կիրակի, Ուեսթ Փալմ Բիչում վայրէջքից հետո, տեղի ժամանակով գիշերը ժամը 1-ին մոտ։