ԱՄՆ-ը դիտարկում է Ուկրաինա Patriot-ի եւս մեկ մարտկոց ուղարկելու հնարավորությունը, տեղեկացրել է Bloomberg-ը՝ հղում կատարելով այդ ծրագրերին ծանոթ աղբյուրներին։
Վաշինգտոնը եւ նրա դաշնակիցները փորձում են բավարարել Կիեւի ՀՕՊ լրացուցիչ միջոցների պահանջմունքները, գրել է գործակալությունը։
Աղբյուրների խոսքով, որոնք խնդրել են չհայտնել իրենց անունները, ԱՄՆ-ը ցանկանում է ուղարկել մարտկոց ռադարների հետ միասին։ Ուկրաինայի եվրոպական դաշնակիցները նույնպես աշխատում են Կիեւին ՀՕՊ լրացուցիչ միջոցներ ուղարկել իրենց պաշարներից, ասել են նրանք։
Մինչ այդ Գերմանիան համաձայնել էր Կիեւին տրամադրել եւս մեկ Patriot համակարգ, հիշեցրել է Bloomberg-ը։