«Այս օրինագիծը փոխում է հարաբերությունների պայմանները մեր արևմտյան գործընկերների և ընկերների հետ, քանի որ նրանց համարում է դիվերսիոն և հեղափոխության գործակալներ, ովքեր փորձում են տապալել ներկայիս կառավարությունը», - ասել է Վրաստանի նախագահ Սալոմե Զուրաբիշվիլին EURACTIV մեդիա հարթակին տված հարցազրույցում՝ մեկնաբանելով «Վրացական երազանքի» կողմից առաջ քաշված «Արտաքին ազդեցության թափանցիկության մասին» օրինագիծը:
«Դուք մեզ 30 տարի օգնել եք, իսկ հիմա արտաքին ազդեցության գործակալներ եք» անտեղի է... Փոխարենը, թե ինչ պետք է անենք՝ աշխատենք բանակցություններ սկսել Վրաստանի՝ Եվրամիությանն անդամակցելու շուրջ, մենք ժամանակ ենք կորցնում… կառավարությունը՝ իշխող կուսակցությունը, չի ցանկանում մեզ հասցնել այն արդյունքի, որին մենք պետք է հասնենք մինչև տարեվերջ՝ հետևելով Եվրոպական հանձնաժողովի սահմանած ինը քայլերին։ Փոխարենը, մենք այժմ կենտրոնացած ենք այս օրենքի և դրա հետևանքների վրա:
Միակ մեկը, ով կարող է փոխել մեր այսօրվա իրավիճակի ընդհանուր պատկերը, ինքը ժողովուրդն է՝ մասնակցելով ընտրություններին։ Մենք պետք է խաղաղ պատրաստվենք ընտրություններին և այն դերին, որը կարող է ունենալ Եվրամիությունը։ Նրանք պետք է պարզեն, թե ինչպիսին է լինելու Վրաստանի ընտրությունը ընտրություններում...
ԵՄ-ն պետք է լսի ոչ միայն փողոցում գտնվող ժողովրդի ձայնը, այլև այն, ինչ մարդիկ ասում են ընտրություններում, որը լինելու է յուրատեսակ հանրաքվե»,- ասել է նախագահը։
Բացի այդ, Սալոմե Զուրաբիշվիլին ևս մեկ անգամ հաստատել է, որ նախատեսում է վետո դնել օրենքի վրա։
«Իմ վետոն խորհրդանշական է. «Ես գիտեմ, որ վետոն կվերացվի, բայց դա նշանակություն չունի, քանի որ ես դա կանեմ փողոցում գտնվող ժողովրդի անունից», - ասել է նախագահը: