Թուրքիայի նոր Սահմանադրության նախագիծը մշակող հանձնաժողովը կորոշի ազգային փոքրամասնությունների ցուցակը, որոնք եւս կներգրավվեն նախագծի մշակման աշխատանքներին:
«Կարծում ենք, որ Սահմանադրության մեջ կարեւոր է արտացոլել նաեւ ազգային փոքրամասնությունների կարծիքը»,- «Hurriyet Daily News» -ին ասել է ընդդիմադիր Ժողովրդահանրապետական կուսակացության անդամ Աթիլլա Կարտը:
Երեք ենթահանձնաժողովների անդամները կհանդիպեն ազգային փոքրամասնությունների ներկայացուցիչների հետ` ընտրելու համար այն կազմակերպություններին, որոնք կընդգրկվեն ցուցակում:
Հանձնաժողովը պետք է ընտրություն կատարի 77 հունական, 52 հայկական, 19 հրեական, 10 ասորական եւ այլ ազգային փոքրամասնությունների կազմակերպությունների միջեւ: