Հարավային Օսիայի Գերագույն դատարանը նախագահի նախկին թեկնածու Ալլա Ջիոեւայի հայցի քննությունը նշանակել է դեկտեմբերի 6-ին: Նիստը սկսվելու է ժամը 9-ին, հաղորդում է «ՌԻԱ Նովոստին»:
Նշենք, որ Ջիոեւան բողոքարկել է Գերագույն դատարանի վճիռը, ըստ որի` երկրում կայացած նախագահական ընտրությունները չեղյալ էին հայտարարվել:
Ցխինվալում այսօր շարունակվել են բանակցությունները Ջիոեւայի կողմնակիցների եւ Ռուսաստանի նախագահի աշխատակազմի ներկայացուցիչ Սերգեյ Վինոկուրովի միջեւ:
Ջիոեւան պահանջում է ճանաչել նախագահական ընտրությունների արդյունքները եւ նախագահի, գլխավոր դատախազի ու Գերագույն դատարանի նախագահի հրաժարականը: Ընդդիմությունը նաեւ պահանջում է ազատ արձակել քաղբանտարկյալներին եւ անցկացնել Ջիոեւայի երդմնակալության արարողությունը դեկտեմբերի 10-ին:
