Արցախի հանրապետության նախագահ Բակո Սահակյանն, այսօր` դեկտեմբերի 7-ին, մի շարք օրենքներ է ստորագրել:
ԼՂՀ նախագահի մամուլի գրասենյակից NEWS.am-ին հայտնում են, որ ստորագրվել են, մասնավորապես հետեւյալ օրենքները. «Ոստիկանության մասին» օրենքում լրացումներ եւ փոփոխություններ կատարելու մասին, «Ոստիկանությունում ծառայության մասին» օրենքում լրացումներ եւ փոփոխություններ կատարելու մասին, «ԼՂՀ ոստիկանության կարգապահական կանոնագիրքը հաստատելու մասին» օրենքում փոփոխություն կատարելու մասին, «Լիցենզավորման մասին» օրենքում փոփոխություն կատարելու մասին, «Պետական տուրքի մասին» օրենքում լրացում կատարելու մասին, «Անասնակերի մասին», «Մեղվաբուծության մասին», «Ոչ նյութական մշակութային ժառանգության մասին» օրենքները:
