Հայաստանի Ազգային ժողովը մերժել է կառավարությանն անվստահություն հայտնելու նախաձեռնությունը, որը ներկայացրել էր Հայ հեղափոխական դաշնակցությունը: Արմեն Ռուստամյանի կողմից ներկայացված առաջարկը մերժվել է 48 դեմ, 13 կողմ եւ 4 ձեռնպահ ձայներով:
Ինչպես ավելի վաղ ասել էր ընդդիմադիր «Ժառանգություն» խմբակցության պատգամավոր Արմեն Մարտիրոսյանը, իր խմբակցությունը պատրաստվում է միանալ ՀՅԴ-ի գործընկերներին եւ կողմ քվեարկել:
Որպես անվստահության հիմնավորում Ռուստամյանը նշել է երկրում ծանր սոցիալ-տնտեսական իրավիճակը եւ աճող արտագաղթը: Ռուստամյանը կոալիցիայի պատգամավորներին կոչ էր արել աջակցել իր նախաձեռնությանը, քանի որ դրա համար անհրաժեշտ է առնվազն 27 պատըգամավորի քվե («Ժառանգությունն» ու ՀՅԴ-ն միասին 23 պատգամավոր ունեն):
Նրանք էլ վստահ չէին իրենց նախաձեռնության հաջողությանը, եւ ոչ բոլորն էին եկել նիստին:
