Վրաստանի հետախուզության վարչության ղեկավար Գելա Բեժուաշվիլին իր ադրբեջանցի գործընկերոջ` Էլդար Մահմուդովի հրավերով պաշտոնական այցով գտնվում է Ադրբեջանում, հայտնում է վրացական «Մեդիանյուզ» գործակալությունը:
Ըստ ադրբեջանական լրատվամիջոցների, հանդիպմանը նրանք քննարկել են Հարավային Կովկասի տարածաշրջանում առկա իրավիճակը, ինչպես նաեւ ահաբեկչության, ծայրահեղականության եւ ապօրինի միգրացիայի դեմ պայքարին վերաբերող հարցեր:
Ինչպես հայտարարել է Վրաստանի հետախուզության վարչության պետը, նման այցելությունից հետո Ադրբեջանի հետախուզական ծառայության հետ գործընկերության կարեւորությունը էլ ավելի կմեծանա: