Միխայիլ Պրոխորովը հրաժարվել է Քսենյա Սոբչակի հետ վիճել այն թեմայի շուրջ, թե արդյոք ԿԸՀ-ն իրեն կգրանցի որպես նախագահի թեկնածու, թե ոչ:
Նա հիշել է, որ 2007թ-ին արդեն մեկ անգամ մերժել է Սոբչակին, երբ վերջինս իրեն ձեռքն ու սիրտն էր առաջարկում: Միլարդատերը ներողություն է խնդրել եւ ասել, որ կանանց հետ չի վիճում, հաղորդում է «НТВ»-ն:
Իսկ առաջարկն ամենեւին էլ էժան չէր. Սոբչակը եթերից առաջարկել էր մեկ միլիոն դոլարի դիմաց գրազ գալ այն բանից հետո, երբ Պրոխորովը հայտարարել էր, թե «մեծ է հավանականությունը, որ ինձ ընդհանրապես չեն գրանցի»:
Հիշեցնենք, որ Պրոխորովն արդեն փաստթղթերը ներկայացրել է ԿԸՀ: Այն բանից հետո, երբ մտերիմները հայտարարեցին միլարդատեր ամուրիի հնարավոր ամուսնության մասին, քանի որ երկիրը պետք է նաեւ առաջին տիկին ունենա, ԶԼՄ-ներում թեկնածուների ակտիվ փնտրտուք սկսվեց:
Հիշատակվեց նաեւ Սոբչակի անունը, որի հետ նա խոստացավ ամուսնանալ այն դեպքում, երբ պարտվի ընտրություններում: Իրեն որպես առաջին տիկնոջ թեկանածու էր առաջարկել նաեւ «Дом-2» նախագծի մասնակից, ռուսաստանյան շոու-բիզնեսի նորահայտ աստղ Մաշա Բելոուսովան:
