Այսօր` դեկտեմբերի 26-ին, ժամը 09:26-ին վերականգնվել է Հայաստան բնական գազի մատակարարումը:
«ՀայՌուսգազարդ» ընկերության մամուլի ծառայությունից NEWS.am-ին հայտնում են, որ գազամատակարարումը դադարեցվել էր դեկտեմբերի 22-ին «Ղազախ- Սագուրամո» 1020 մմ տրամագծով մայրուղային գազատարի վրա վթարավերականգնողական աշխատանքներ կատարելու պատճառով:
Ավելի վաղ NEWS.am-ը հայտնել է, որ գազամատակարարումը Հայաստան 2 օրով դադարեցվել էր նաեւ դեկտեմբերի 16-ին` Վրաստանի տարածքում Հյուսիսային Կովկաս-Անդրկովկաս 1000 մմ մայրուղային գազատարի 67-68-րդ հատվածում վթարավերականգնողական աշխատանքներ կատարելու պատճառով:
«Հայռուսգազարդից» հայտնել էին, որ այդ ընթացքում հանրապետության սպառողների գազամատակարարումը կիրականացվի առանց սահմանափակումների: