Հայ Ազգային Կոնգրեսը ողջունում է «Ժառանգություն» եւ ՀՅԴ կուսակցությունների ս.թ. դեկտեմբերի 27-ի համատեղ հայտարարությունը որպես ընտրությունների օրինականության եւ թափանցիկության ապահովմանն ուղղված անհրաժեշտ եւ կարեւոր քայլ:
ՀԱԿ-ից NEWS.am-ին հայտնում են, որ Կոնգրեսը պատրաստ է այդ խնդրի շուրջ համագործակցել անխտիր բոլոր քաղաքական ուժերի հետ, ներդնելով իր ողջ ջանքերն ու կարողությունները, եւ չհավակնելով առանձնահատուկ որեւէ դերի:
Հիշեցնենք, որ «Ժառանգությունն» ու ՀՅԴ-ն իրենց համատեղ հայտարարությունում կոչ էին անում իշխանություններին վերացնել մեծամասնական ընտրակարգը եւ ընտրությունները անցկացնեմ 100 տոկոս համամասնական ընտրակարգով:
