2011 թ. վերջին աշխատանքային օրը ամերիկյան դոլարի փոխարժեքը ֆինանսական շուկայում աճ արձանագրեց: «ՆԱՍԴԱՔՕԷՄԷՔՍ Արմենիա» բորսայում դոլարի միջին փոխարժեքը կազմել է 386.17 դրամ` նախորդ օրվա համեմատ դոլարը թանկացել է 0.31 տոկոսով կամ 1.19 կետով:
Ընդհանուր առմամբ` բորսայում վաճառվել է 10.55 մլն դոլար:
Կանխիկ արտարժույթի շուկայում թանկացումներ սկսել էին դեռ երեկ երեկոյանից, ուստի փոխանակման կետերում կեսօրից հետո փոխարժեքի էական տատանումներ չգրանցվեցին: Դոլարը գնվում եւ վաճառվում է հիմնականում 385-389 դրամի միջակայքում: