ԱՄՆ նախագահի թեկնածու, հանրապետական Ռիկ Սանտորումը խիստ քննադատության է ենթարկել Օբամայի` Իրանի հանդեպ տարվող քաղաքականությունը եւ խոստացել է ընտրվելու դեպքում ռմբակոծել Իրանի միջուկային օբյեկտները:
Նրա մտադրությունները այնքան համառ են, որ նույնիսկ եթե Թեհրանը բացի իր միջուկային օբյեկտները հետազոտման համար, հանրապետականը չի հրաժարվի իր ծրագրից:
Ռիկ Սանտորիումը կարծում է, որ նախագահ Բարաք Օբաման չի կարողանա խանգարել Իրանին միջուկային զենք ձեռք բերելու հարցում` այդպիսով վտանգի ենթարկելով ԱՄՆ-ին: Նա նշել է, որ դրանից հետո աշխարհի բոլոր երկրները ԱՄՆ-ին կվերաբերվեն որպես «թղթե վագրի», հաղորդում է Associated Press-ը:
