Թբիլիսիում ձերբակալվել են «Մաեստրո» ընդդիմադիր հեռուստաընկերության զավթիչները: Ինչպես տեղեկացնում է «Վզգլյադ»-ը, երկու ձերբակալվածները Ռուսաստանում Վրաստանի նախկին դեսպան Էրոսի Կիցմարիշվիլիի մերձավորներից են, որը հեռուստաընկերությունը գրավել էր դեկտեմբերին:
Վրաստանի ՆԳՆ տվյալներով` զավթիչները շենքից տարբեր առարկաներ են տարել, եւ երբ ոստիկանությունը պահանջել է կանգնել, փորձել են փախչել` այդ ընթացքում բախվելով իրավապահ մարմինների աշխատակիցների մեքենային:
«Մաեստրո»-ն կառավարող նախկին դեսպանի գրասենյակը Վրաստանի ՆԳՆ-ին մեղադրել է «սադրանքի» մեջ եւ հաղորդել, որ ձերբակալվածները «վնասվել են ֆիզիկապես եւ հոգեբանորեն»:
«Մաեստրո»-ն շարունակում է հեռարձակվել կրճատված ռեժիմով, համանուն ռադիոյի շենքից` եթեր դուրս գալով «SOS» կոչով: