Հայաստանում պայմանական երկրորդ տարածքային բլոկում նավթի եւ գազի հետախուզման մրցույթը հետաձգվում է: Ինչպես NEWS.am-ի թղթակցին հայտնեցին Էներգետիկայի եւ բնական պաշարների նախարարությունից, մրցույթի արդյունքները կամփոփվեն միջգերտեսչական մրցութային հանձանաժողվի նիստում, որը կկայանա հունվարի 15-ից հետո:
Մրցութային հայտերի ընդունման մասին հայտարարվել էր անցած տարի նոյմեբերի 25-ին, արդյունքները պետք է ամփոփվեին դեկտեմբերի 27-ին:
Սակայն դեկտեմբերի 27-ին միջգերտեսչական հանձնաժողովը քննարկել է երկու ընկերությունների հայտերը եւ որոշել մրցույթի արդյունքներն ամփոփել հունվարի 15 -ից հետո:
Նշենք, որ փորձագետների գնահատականներով, նավթի նախնական կանխատեսվող պաշարները երեւանամերձ իջվածքի երեք հարթություններում (Գառնիի, Շոռաղբյուրի եւ Հրազդանի) կազմում են 21 մլն խմ, գազինը` մոտ 1,4 մլրդ խմ, իսկ նախնական ընդհանուր դուրս բերվող նավթի պաշարները երկու իջվածքներում (Մերձերեւանյան եւ Արմավիրի)` 30,3 մլն խմ, գազինը` 11,9 մլրդ խմ:
