Արեւմտյան Վրաստանում 73 հազար բաժանորդներ մնացել են առանց էլեկտրականության: Ուժեղ ձնաբքի պատճառով վնասվել են էլեկտրահաղորդման գծերը: Վթարն ընդգրկել է Սամեգրելոյի, Գուրիայի եւ Աջարիայի տարածքները:

Էներգամատակարարման վերականգնման համար վերականգնողական աշխատանքներ են իրականացվում, թեեւ դրանց խանգարում է ձնաբուքը, հաղորդում է «Նովոստի Գռուզիան»:

Ուժեղ ձնաբուքը դժվարացրել է տրանսպորտի աշխատանքը նաեւ Վրաստանի այլ հատվածներում: Ճանապարհի որոշ հատվածներում ձյունը մաքրելու համար տեխնիկա է աշխատում: