Շենգավիթ վարչական շրջանի ընդհանուր իրավասության դատարանից այսօր` հունվարի 21-ին, փախուստի է դիմել ձերբակալված Էդմունդ Ծատուրյանը:
Ոստիկանության աղբյուրը հայտնեց NEWS.am-ին, որ ոստիկանները ձերբակալվածին տարել եւ հանձնել են դատարանի կարգադրիչներին, ինչից հետո նրա նկատմամբ ամբողջ պատասխանատվությունը դատարանինն է: Ձերբակալվածը կարգադրիչներին հայտնել է, որ ցանկանում է հոգալ բնական կարիքները։ Կարգադրիչները նրան ուղեկցել են զուգարան, որից հետո ձեռնաշղթաներով կալանավորը զուգարանի պատուհանից դիմել է փախուստի: Ոստիկանությունը ձեռնարկել է անհետաձգելի օպերատիվ հետախուզական միջոցառումներ` նրան հայտնաբերելու համար:
