Սոչիում այսօր` հունվարի 23-ին, համատեղ ճաշ է տրվել Հայաստանի, Ռուսաստանի եւ Ադրբեջանի նախագահներ Սերժ Սարգսյանի, Դմիտրի Մեդվեդեւի եւ Իլհամ Ալիեւի համար: Այնուհետեւ երեք երկրների նախագահները այցելել են Սոչիի լեռնադահուկային համալիր, որտեղ Իլհամ Ալիեւն ու Դմիտրի Մեդվեդեւը սահել են դահուկներով:
Հիշեցնենք, որ Սարգսյանը, Մեդվեդեւն եւ Ալիեւը հանդիպել են Սոչիում` ղարաբաղյան հակամարտության կարգավորման գործընթացի շրջանակներում: Հանդիպումը կայացել է Մեդվեդեւի նախաձեռնությամբ: Եռակողմ հանդիպման արդյունքում Հայաստանի Հանրապետության, Ադրբեջանի Հանրապետության եւ Ռուսաստանի Դաշնության նախագահները հանդես են եկել համատեղ հայտարարությամբ ղարաբաղյան կարգավորման վերաբերյալ: