Զոհվել է հանրահայտ հույն ռեժիսոր Թեո Անգելոպուլոսը: 76-ամյա ռեժիսորը վթարի է ենթարկվել երեկ երեկոյան` նկարահանումներից հետո, նրան վրաերթի է ենթարկել մի ավտոմեքենա: Անգելոպուլոսին տեղափոխել են հիվանդանոց ծանր վիճակում, որտեղ նա մահացել է:
Ողբերգությունը տեղի է ունեցել Պիրեայի Կերացինի արվարձանում, որտեղ նկարվում էր «Այլ ծով» եռագրության վերջին մասը: Տուժել է նաեւ մոտոցիկլետի վարորդը, ով ոստիկան է եղել, երբ փորձել է խուսափել բախումից:
Զավեշտն այն է, որ արտակարգ օգնություն ցուցաբերելու համար նկարահանման խմբի անդամները ստիպված են եղել զանգել Հունաստանի առողջապահության նախարարին: Շտապօգնությունը ժամանել է միայն 45 րոպե անց:
«Այլ ծով» ֆիլմը պետք է դառնար արտերկրում ապրող հույների ճակատագրի մասին պատմող եռագրության վերջին մասը:
