Մերկասառույցի հետեւանքով, փետրվարի 1-ի գիշերը, Նոյեմբերյան-Ջուջեւան ավտոճանապարհին բեռնատար ավտոմեքենան դուրս է եկել ճանապարհի երթեւեկելի մասից եւ ընկել փոսը, իսկ կցորդը փակել է երթեւեկելի հատվածը:
Հայաստանի ԱԻՆ փրկարար ծառայությունից NEWS.am-ին հայտնում են, որ վթարի հետեւանքով ավտոմեքենաները չեն կարողանում շարունակել ընթացքը:
Պարզվել է, որ ճանապարհահատվածը փակել է Թբիլիսի-Երեւան երթուղով մեկնող «MAN» մակնիշի GHO-351 համարանիշի բեռնատար ավտոմեքենան (վարորդ` Զուրաբ Չխեիձե):
Տրամադրած տեղեկատվության համաձայն՝ դեպքի վայր է մեկնել հատուկ տեխնիկա, դեպքի վերաբերյալ կտրվի լրացուցիչ տեղեկատվություն:
