Հայաստանում առաջին ազատ տնտեեսական գոտու կառավարիչը կլինի «Սիտրոնիքս Արմենիա» ընկերությունը: Այդ մասին այսօր` փետրվարի 2-ին, կառավարության կողմից ընդունվեց համապատասխան որոշում:
Ազատ տնտեսական գոտին կստեղծվի «Մարս» գործարանի եւ Երեւանի մաթեմատիկական ինստիտուտի տարածքում:
ՀՀ էկոնոմիկայի նախարար Տիգրան Դավթյանը կառավարության նիստից հետո լրագրողների հետ հանդիպման ժամանակ հայտարարեց, որ ազատ տնտեսական գոտին կգործի մոտ 6 ամսից:
Նշենք որ «ՌԱՕ ՄԱՐՍ» ՓԲԸ-ն եւ «ԵրՄՄԳՀԻ» ՓԲԸ-ն 2008թ-ից գտնվում են ռուսաստանյան «Սիտրանիկս» ընկերության կառավարման ներքո: Կազմակերպությունների սեփականատերը հանդիսանում է ՌԴ-ն` ի դեմս Պետական գույքի կառավարման դաշնային գործակալության (Росимущество):
«Սիտրոնիկս» ԲԲԸ-ն (ԱՖԿ «Սիստեմա»-ի կազմի մեջ մտնող) Արեւելյան Եվրոպայի, Մերձավոր Արեւելքի եւ Աֆրիկայի զարգացող շուկաներում լուրջ ներկայացվածությամբ խոշոր կազմակերպություն է` հեռահաղորդակցային լուծումների, տեղեկատվական տեխնոլոգիաների եւ միկրոէլեկտրոնային արտադրանքի ոլորտում:
