Հայաստանում փետրվարի 3-ի առավոտվա ժամը 8-ի դրությամբ միջպետական նշանակության բոլոր ճանապարհները բաց են ավտոտրանսպորտի երթեւեկության համար:
Ինչպես տեղեկացնում է Հայաստանի տրանսպորտի եւ կապի նախարարության մամուլի ծառայությունը, ուժեղ ձնաբքի եւ վատ տեսանելիության պատճառով դժվարացել է Գյումրի-Ախուրյան, Գյումրի-Աշոցք, Գյումրի-Սպիտակ եւ Սելիմի լեռնանցքի ճանապարհներով երթեւեկությունը:
Ճանապարհները ձյունից մաքրելու ինտենսիվ աշխատանքներ են տարվում, ներգրավված է նաեւ տեխնիկա:
