Հայաստանի Հանրապետական կուսակցության համամասնական ցուցակի պատգամավորների ցուցակը պետք է գլխավորի Սերժ Սարգսյանը: Փետրվարի 3-ին լրագրողների հետ հանդիպման ժամանակ նման կարծիք է հայտնել խորհրդարանի ՀՀԿ-ական պատգամավոր Հովհաննես Սահակյանը: Ըստ նրա` ցուցակը կներկայացվի կուսակցության մարտի 10-ի համագումարում, կամ էլ դրանից հետո:
Համագումարի պատվիրակները կընտրեն նաեւ կուսակցության առաջնորդին: Սահակյանը միանգամայն համոզված է, որ կվերընտրվի նախագահ Սերժ Սարգսյանը:
Ինչ վերաբերում է կոալիցիայի կուսակցությունների համագործակցությանը, ապա նրանց միջեւ հուշագիրը կարող է ստորագրվել նոր խմբագրությամբ, չնայած որ գործող հուշագիրն այս պահի դրությամբ շատ ազդեցիկ է: «Նոր հուշագրի ստորագրումը կախված է այն բանից, թե արդյոք կոալիցիայի կուսակցությունները միասնական ցուցակով կմասնակցեն ընտրություններին», – մանրամասնել է պատգամավորը: Նա նաեւ հիշեցրել է, որ ըստ կոալիցիայի հուշագրի, երկու այլ կուսակցություններ` «Բարգավաճ Հայաստանը» եւ «Օրինաց երկիրը», պարտավորվել են աջակցել Սերժ Սարգսյանի թեկնածությունը 2013 թվականի նախագահական ընտրություններում:
