Հավանական ձնահոսքերի վտանգի հետեւանքով Վրաստանի բարձրալեռնային Կազբեկի շրջանում են մնացել Հայաստանի 90 քաղաքացիներ, ինչպես նաեւ Վրաստանի 30 քաղաքացիներ, ովքեր տեղավորվել են Ստեպանցմիդի շրջանային կենտրոնի հյուրանոցներում: Այդ մասին այսօր` փետրվարի 3-ին, «Իմեդի» հեռուստաընկերության եթերում հայտարարել է Մցխեթի-Մթիանեթի շրջանի նահանգապետ Գիվի Ամիրխանաշվիլին:
Նրա խոսքով, տվյալ պահին փակվել է Մցխեթի-Ստեպանցմինդ-Լարս ճանապարհի Գուդաուրի-Կոբի հատվածը: «Մենք մոբիլիզացրել ենք բոլոր ռեսուրսները, սակայն հայտնի չէ, թե ճանապարհը երբ բաց կլինի»,-հայտարարել է Վրաստանի տարածաշրջանային զարգացման եւ ենթակառույցների նախարարության ավտոճանապարհների վարչության ղեկավարի տեղակալ Նուգզար Գասվիանին:
Նրա խոսքով, Գուդաուրիի շրջանում մաքրման աշխատանքներն արդեն սկսվել են, բայց սողանքների վտանգը պահպանվում է:
Գասվիանին նշել է, որ ճանապարհի մաքրումից հետո առաջնությունը կտրվի երթուղային տաքսիներին, հաղորդում է «Նովոստի-Գրուզիան»:
Հիշեցնենք, որ այս տարի Վրաստանում գնացվել է ամենցուրտ եւ ձնառատ ձմեռը վերջին 15 տարվա ընթացքում: Երկրի ամբողջ տարածքը ծածկված է ձնով: