Հայաստանի խորհրդարանը փետրվարի 9-ին կայացած նիստում երկրորդ եւ վերջին ընթերցմամբ ընդունել է «Հայաստանի Հանրապետության տարածքում ժամանակի հաշվարկման կարգի մասին» օրենքում փոփոխություններ կատարելու փաթեթը:
Այսկերպ, այսուհետ չեղյալ է հայտարարվում անցումն ամառային ժամանակի:
Նշենք, որ հետխորհրդային տարածքում ժամացույցի սլաքների տեղափոխությունը չեղյալ հայտարարելու տենդը սկսվեց Ռուսաստանի նախագահ Դմիտրի Մեդվեդեւի նախաձեռնությունից հետո: Ռուսաստանում, սակայն թողեցին ամառային ժամանակը, իսկ այստեղ միայն ձմեռային ժամանակ է լինելու: Ավելին, Վլադիմիր Պուտինը չի բացառել նախկին կարգին անցնելու հավանականությունը:
Հայաստանում մեխանիզմը չի փոխվի, եւ ամռանը մեկ ժամ շուտ կմթնի: