Հարավային Օսիայի ընդդիմության առաջնորդ Ալլա Ջիոեւան ուշքի է եկել: «Նրա վիճակը ծանր է, սակայն նա գիտակցության է եկել:
Ջիոեւան գանգատվում է ամբողջ մարմնում ցավեր ունենալուց», - «ՌԻԱ Նովոստիին» է հայտնել հանրապետական սոմատիկ հիվանդանոցի հերթապահ բժիշկը:
Հիշեցնենք, որ փետրվարի 9-ին նախագահի նախկին թեկնածուն վերակենդանացման բաժանմունք էր ընկել, երբ նրան փորձել էին տանել Գլխավոր դատախազություն հարցաքննության: Ջիոեւային «գլխուղեղի կաթված» են ախտորոշել:
Վերակենդանացման բաժանմունքում «Ինտերֆաքս» գործակալությանը պատմել են, որ այժմ քննարկվում է Ջիոեւային Ռուսաստանի բժշկական հաստատություններից մեկը տեղափոխելու հարցը: Քաղաքական գործչի պալատը հսկում է ոստիկանությունը:
Ավելի վաղ լրատվամիջոցներում հաղորդագրություն էր հայտնվել այն մասին, որ ընդդիմության առաջնորդի գլխին հարվածել են ավտոմատի կոթով: Գործակալության զրուցակիցը հերքել է տվյալ տեղեկությունը` ասելով, որ մարմնի վրա վնասվածքներ չկան: