Ընդդիմադիր Սիրիական ազատ բանակն իր վրա է վերցրել Հալեպ քաղաքում տեղի ունեցած պայթյունների շարքի համար պատասխանատվությունը: Այս մասին հայտնել է բրիտանական BBC հեռուստառադիոկայանը:
Հիշեցնենք, որ այսօր` փետրվարի 10-ին, Հալեպում տեղի ունեցած երկու պայթյունների արդյունքում 25 մարդ է զոհվել, եւս 175-ը` վնասվածք են ստացել:
Ահաբեկչություններն ուղղված են եղել ռազմական հետախուզության գրասենյակի դեմ, սակայն պայթյունի արդյունքում զոհվել են նաեւ խաղաղ բնակիչներ, այդ թվում նաեւ երեխաներ, որոնք խաղալիս են եղել հարեւան բակում:
