ԱԺ-ում մեծամասնական ընտրակարգով 41 տեղերն, իսկապես, շատ է: Այսպիսի կարծիք հայտնեց քաղաքագետ Ստեփան Գրիգորյանն, այսօր` փետրվարի 13-ին, լրագրողների հետ հանդիպման ժամանակ:
Սկզբում նա նշեց, որ խնդիրը ընտրակարգի մեջ չէ, օրինակ, դժվար է ավելի բարդ ու անիմաստ համակարգ մտածել, քան ԱՄՆ-ում է, սակայն այդ երկիրը կարողացել է շատ առաջ գնալ ժողովրդավարության հարցերում: Այնուհետեւ քաղաքագետը կարծիք հայտնեց, որ ընտրական օրենսգրքում կատարվող փոփոխությունները բացասաբար են ազդում ընտրությունների անցկացման վրա:
Միաժամանակ, Ս. Գրիգորյանն ընդգծեց, որ անցումային երկրներում շատ ավելի ճիշտ է ընդհանրապես հրաժարվել մեծամասնական ընտրակարգից, ինչպես դա արել է Ռուսաստանը, կամ էլ ավելի նվազեցնել մեծամասնական ընտրակարգով ընտրվող տեղերը խորհրդարանում:
Ինչ վերաբերում է Հայաստանին, Ստեփան Գրիգորյանը կարծիք հայտնեց, որ 41 մեծամասնական տեղերը շատ է այաստանի համար:
Նա նաեւ նշեց, որ խորհրդարանական առաջիկա ընտրություններում փորձ կարվի խորհրդարան բերել օլիգարխների ու քրեական աշխարհի ներկայացուցիչների: