«ՆԱՍԴԱՔՕԷՄԷՔՍ Արմենիա» բորսայում այսօր` փետրվարի 13-ին արտարժույթի առուվաճառքի գործարքներ չեն կայացել: Հիշեցնենք, որ բորսայում գործարքներ չէին կայացել նաեւ ուրբաթ` փետրվարի 10-ին:
Սակայն այսօր, ի տարբերություն ուրբաթ օրվա, առաջարկի ու պահանջարկի փոխարժեքների միջեւ տարբերությունը կրճատվել է: Դոլարն առաջարկվել է 388.90 դրամով, իսկ պահանջարկի փոխարժեքը չի գերազանցել 388.50 դրամը:
Բորսայական գործընթացները կանխիկ արտարժույթի շուկայի վրա ազդել են հետեւյալ կերպ` դոլարի առքի փոխարժեքը որոշ փոխանակման կետերում բարձրացվել է կես դրամով եւ կազմել 1դոլար/387.5 դրամ: Դոլարի վաճառքի փոխարժեքը բարձրացվել է 1 դրամով եւ հիմնականում կանգ առել 1 դոլար/390 դրամի վրա:
