Լանդշաֆտի եվրոպական կոնվենցիային համապատասխան` Հայաստանում սահմանվելու է Լանդշաֆտի մրցանակ:
Հարցը ներառված է կառավարության փետրվարի 16-ի նիստի օրակարգում: Մրցանակին կարող են հավակնել տարածքային կառավարման, տեղական ինքնակառավարման մարմինները եւ հասարակական կազմակերպությունները:
Մրցանակով պարգեւատրվում են լանդշաֆտի պահպանության, կառավարման եւ/կամ պլանավորման գործում լավագույն ծրագրերն ու ներդրումները: Մրցանակն ունի դիպլոմի եւ արձանիկի տեսք: Կարող են շնորհվել նաեւ հատուկ շնորհակալագրեր:
Նշենք, որ Լանդշաֆտի եվրոպական կոնվենցիան ընդունվել է 2000 թ.: Հայաստանն այդ կոնվենցիային միացել է 2004 թ. մարտին, իսկ 2011 թ. նոյեմբերին ընդունվել է «Հայաստանի հանրապետության Լանդշաֆտի ազգային քաղաքականության իրագործման» հայեցակարգը:
