Հայոց ցեղասպանության 97-րդ տարելիցի նախապատրաստական աշխատանքների շրջանակում Ցեղասպանության զոհերի հիշատակի կոմիտեն ապրիլի 24-ի համար խորհրդանիշի մրցույթ է հայտարարել: Կոմիտեն մրցույթին մասնակցելու է հրավիրում է նկարիչների, դիզայներների, ինչպես նաեւ 10-12-րդ դասարանների աշակերտների, տեղեկացնում է «Asbarez»-ը:
Մեծ ողբերգությունը խորհրդանշող օրը` ապրիլի 24-ը ոչ միայն հիշեցնում է 1,5 մլն անմեղ նահատակների տառապանքների մասին, այլեւ միասնական ոգով ու միասնական ջանքերով հայ ժողովրդի պայքարը շարանակելու կոչ է պարունակում, քանի դեռ Թուրքիան չի ճանաչում եւ չի ընդունում իր պատասխանատվությունը կատարված ծանրագույն հանցագործության համար:
Մրցույթին մասնակցելու ժամկետը մինչեւ մարտի 15-ն է: Բոլոր հայտերը պետք է ներկայացվեն Միավորված հայկական խորհուրդ (United Armenian Council)`P.O.Box 39879, Los Angeles, CA 90039 հասցեով: