Մերձմոսկովյան շրջանի Գորկի-25 բնակավայրում գտնվող հացի փռի պայթյունի հետեւանքով 4 տուժածների վիճակը շարունակում է մնալ ծայրահեղ ծանր, եւս երեքի վիճակը միջին ծանրության է:
Այս մասին «ՌԻԱ Նովոստիին» հայտնել են այն բուժհաստատության բժիշկները, որտեղ գտնվում են տուժածները:
Գործակալությունը չի հայտնում, թե տուժածներից անձամբ ով է գտնվում ծայրահեղ ծանր վիճակում, սակայն LifeNews-ի տեղեկության համաձայն` մարմնի 90% այրվածքներով հիվանդանոց են տեղափոխվել Տաջիկստանի քաղաքացիներ 17-ամյա Իլհամ Միրքազարիմովը եւ 29-ամյա Ռուսլան Մավլադաթովը:
Մնացած 11 տուժածներից 9-ը հայեր են:
Հիշեցնենք, որ փետրվարի 19-ին Մերձմոսկովյան Գորկի-25 բնակավայրում պայթյունի եւ նրան հաջորդած հրդեհի հետեւանքով երկու մարդ է զոհվել, 11-ը` վիրավորվել: Զոհվածների անձը դեռեւս հաստատված չէ:
