«Տաշիր» ընկերությունների խումբը, որը պատկանում է ազգությամբ հայ Սամվել Կարապետյանին, մտադիր է գնել իտալական Roberto Cavalli նորաձեւության տունը: Այս մասին հաղորդում է Euromag.ru-ն:
Դեռեւս մի քանի տարի առաջ «Տաշիրը» սկսել էր Casa Italia նախագիծը, որի նպատակը Կրեմլից եւ Կարմիր հրապարակից քիչ հեռու իտալական հայտնի նորաձեւության տների բուտիկների տեղակայումն էր:
Փորձագետները գործարքը գնահատում են 500 միլիոն եվրոյից ոչ պակաս: Հայտնի կուտյուրյե Ռոբերտո Կավալին ինքը իր բիզնեսը գնահատում է նվազագույնը 1 միլիարդ եվրո: Իտալացի մագնատը դիտարկում է նաեւ այլ ներդրողների առաջարկները, այդ թվում` չինաստանցի: