Այսօր` փետրվարի 22-ին, ժամը 16.25-ին քաղաքացի Էլբակյանից ահազանգ է ստացվել, որ իր մայրը` Երեւանի Մամիկոնյանց փողոցի թիվ 3 շենքի 10-րդ բնակարանի բնակիչը, չի արձագանքում դռան եւ հեռախոսի զանգերին:
Հայաստանի ԱԻՆ մամուլի ծառայությունից NEWS.am-ին հայտնում են, որ դեպքի վայր է մեկնել փրկարար ուժերի վարչության հատուկ փրկարարական ջոկատի հերթապահ խումբը:
Փրկարարները բացել են բնակարանի դուռը. հյուրասենյակի հատակին հայտնաբերվել է 79-ամյա Ռիմա Սուվարյանը (անօգնական վիճակում, ձեռքի կոտրվածքով): Փրկարարները պատգարակով իջեցրել են Ռիմա Սուվարյանին, ով շտապօգնության բրիգադի կողմից հոսպիտալացվել է «Սուրբ Գրիգոր Լուսավորիչ» բժշկական կենտրոն: