Հայ մասնագետների կողմից ստեղծվել եւ Հրազդանի ՋԷԿ-ի 5-րդ էներգաբլոկում տեղադրվել են նորագույն տեխնոլոգաներ, որոնք հարկավոր է պատենտավորել: Այդ մասին այսօր` փետրվարի 29-ի հայտարարել է «Հայռուսգազարադի» վարչության նախագահ-գլխավոր տնօրեն Վարդան Հարությունյանը` աշխատանքային այց կատարելով ջէրմաէլեկտրակայան
Նա շնորհակալություն է հայտնել Հրազդան 5-ի անձնակազմից, որը կարճ ժամանակահատվածում, մասնագիտական բարձր կարողություններ ցուցաբերելով, կարողացել է ավարտին հասցնել էներգաբլոկի արդիականացման ծրագիրը:
Նշենք, որ ներկայում կայանը գտնվում է փորձարարական –արդյունաբերական շահագործման փուլում: 2011 թ. դեկտեմբերի վերջին «Հրազդան-5»-ում իրականացվեց կայանի էներգաբլոկի համալիր փորձարկում, որի ընթացքում բոլոր սարքավորումները 72 ժ անընդհատ աշխատել են բեռնվածության տակ: Հրազդանի ՋԷԿ-ի 5-րդ էներգաբլոկը հանրապետության էներգահամակարգին է միացվել 2012թ. հունվարի 18-ին:
Մասնագետների գնահատմամբ, «Հրազդան-5»-ի վերակառուցման համար օգտագործված նորագույն, տեխնոլոգիապես բարդ սարքավորումները, ներդրված ժամանակակից տեխնոլոգիաները, աննախադեպ տեխնիկական լուծումները կառույցը դարձնում են եզակի ոչ միայն մեր տարածաշրջանում, այլ նաեւ աշխարհում:
Էներգաբլոկի հզորությունը հասցվելու է 480 ՄՎտ-ի:
