Ստամբուլի կենտրոնում, փետրվարի 26-ին, Խոջալուի իրադարձությունների հիշատակման անվան տակ տեղի ունեցած հակահայկական ակցիայի դեմ բողոքած ուսանողները ենթարկվել են ազգայնական ուսանողների հարձակմանը։
Թուրքական Sendika կայքի փոխանցմամբ՝ Անկարայի համալսարանի մասնաշենքերից մեկում մոտ 100 ազգայնական ուսանողներ հարձակվել են Ստամբուլի հակահայկական ակցիան դատապարտած ուսանողների դեմ։ Տեղի է ունեցել խոշոր ծեծկռտուք, որի հետեւանքով բազմաթիվ ուսանողներ վնասվածքներ են ստացել։
Նշվում է, որ համալսարանում ուսանողների միջեւ լարվածությունը շարունակվում է։