«Բարգավաճ Հայաստան» կուսակցությունն ուրախ է որպես գործընկեր ընդունել Միավորված աշխատանքային կուսակցության առաջնորդ Գուրգեն Արսենյանին: Այս մասին, այսօր` մարտի 2-ին, լրագրողների հետ զրույցում նշեց ԱԺ փոխնախագահ, ԲՀԿ փոխնախագահ Սամվել Բալասանյանը:
«Մենք ուրախ ենք ընդունել նման քաղաքական փորձ ունեցող մարդուն: Ներկայումս մենք որեւէ մեկի հետ դաշինք չենք կազմել եւ ընտրությունների ենք գնում ԲՀԿ-ի ցուցակով, սակայն ՄԱԿ-ի հետ համագործակցում ենք»,-ասաց Սամվել Բալասանյանը: