Հայաստանի զինված ուժերը ոչ միայն Հայաստանի անվտանգության երաշխավորն են, այլ նաեւ տարածաշրջանում կայունության եւ հավասարակշռության գործոն: Այդ մասին մարտի 3-ին հայտարարել է Երեւանի Մ. Հերացու անվան պետական բժշկական համալսարանի ռեկտոր Դերենիկ Դումանյանը` հանդես գալով համալսարանում անցկացվող Հայաստանում ռազմաբժշկական ծառայությանը նվիրված համաժողովին:
Նշելով, որ ռազմաբժշկության ծառայության ստեղծումն անկախությունից հետո մեր ձեռքբերումներից մեկն է` Դումանյանն ավելացրեց, որ Հայաստանը միջազգային հարթությունում ոչ միայն սպառող է, այլեւ մասնակցում է միջազգային խաղաղասիրական առաքելություններին:
«Մեզ պարտադրված պատերազմը մենք սկսեցինք որսորդական հրացաններով եւ խորհրդային ժամանակներից ժառանգած զենքով: Հիմա մեր երկիրը հաջողությամբ զարգացնում է ռազմարդյունաբերական համալիրը»,-հիշեցրեց Դերենիկ Դումանյանը: