«Օրինաց երկիր» կուսակցությունը հերթական 10-րդ համագումարում կուսակցության նախագահ է վերընտրել հիմնադիր ու անփոփոխ նախագահ Արթուր Բաղդասարյանին:
Բաղդասարյանի թեկնածությունն առաջադրել է «Օրինաց երկիր» խմբակցության ղեկավար Հեղինե Բիշարյանը: Մանդատները բարձրացնելուց առաջ Բաղդասարյանը հարցրել է, չեն ցանկանում արդյոք այլոք եւս առաջադրվել: «Մեր կուսակցությունը ժողովրդավարական է, յուրաքանչյուրը կարող է առաջադրվել»,- ասել է նա, սակայն որեւէ պատվիրակ չի էլ փորձել առաջադրվել, եւ Բաղդասարյանն ընտրվել է միաձայն:
