Ջրամակատարարման պարբերական խափանումներն ու խմելու ջրում քլորի ավելորդ քանակությունը ստիպում են երեւանցիներին խմելու ջուր որոնել խանութներում, բայց այստեղ եւս խմելու ջուր փնտրող քաղաքացիները  անակնկալների են հանդիպում:
Այսպես. նախօրեին առ այսօր ինձ անհայտ «Ակվա տրիո» ապրանքանիշի գնածս ջուրը` մեկ լիտրանոց տարայով, բառացիորեն ապշեցնում է բոլոր չափորոշիչներով:

Ինչպես հայտնում է պիտակը, այդ «թթվածնով հարստացված խմելու ջուրը» ամենօրյա օգտագործման դեպքում բառացիորեն հրաշագործ արդյունք է ունենում. «վերականգնում է օրգանիզմի թթվածնային հավասարակշռությունը, նպաստում է օրգանիզմից ավելորդ նյութերի դուրսբերմանը, բարձրացնում է օրգանիզմի իմունիտետը, վերացնում հոգնածությունը, ամենօրյա օգտագործումը կանխում է ճարպակալումը, նպաստում մարսողությանը, որեւէ տարիքային սահմանափակում չունի»: Սակայն ամենաուշագրավը «կենդանի ջրի» շշալցման ժամկետն է` հունվարի 32-ը:

Պիտանելիության ժամկետը 12 ամիս է, հավանաբար, մինչեւ հաջորդ տարվա հունվարի 32-ը…

Սա հիշեցնում է «Այդ նույն Մյուհանուզենը» ֆիլմը, որտեղ բարոնը, ստորագրելով ամուսնալուծության մասին փաստաթուղթը, գրում է մայիսի 32: Նրա հաշվարկներով, անցած հազարամյակներում օրացույցում սխալ է սպրդել` կապված իր առանցքի շուրջ Երկրի պտտման ժամանակի հետ, եւ այդ տարին պետք է եւս մեկ լրացուցիչ օր լինի: Ի դեպ, բարոն Մյունհաուզենի թանգարանում ամեն տարի նշում են մայիսի 32-ը:

Դե իսկ ապրանքն արտադրողից պարզելու փորձերը, թե որ աղբյուրից է շշալցվել ջուրը, հաջողությամբ չպսակվեցին: Վաղարշապատի Կամոյի փողոցի 7 տանը գրանցված ձեռնարկության արտադրանքի պիտակի վրա նշված կայքը գոյություն չուներ, իսկ հեռախոսը չէր պատասխանում:

Ֆլորա Ալեքսանյան