Ֆրանսիայի նախագահ Նիկոլա Սարկոզին կհեռանա քաղաքականությունից, եթե պարտություն կրի առաջիկա նախագահական ընտրություններում:
BFM TV հեռուստաալիքի եթերում հաղորդավարի առաջին հարցը վերաբերում էր պարտության դեպքում Սարկոզիի քայլերին: Այն հարցին, թե արդյոք նա կհեռանա՞, եթե պարտություն կրի, Սարկոզին դրական պատասխան է տվել:
«Դուք կարող եք ինձ այդ հարցը երրորդ անգամ տալ, իսկ ես ձեզ կպատասխանեմ` այո, ես կզբաղվեմ ինչ-որ այլ բանով, դեռ չգիտեմ, թե ինչով»,-պատասխանել է Սարկոզին, երբ հաղորդավարը կրկնել է հարցը եւ խնդրել նախագահից պարզաբանել, թե արդյոք նա կդադարացնի իր քաղաքական կարիերան արդեն մայիսի 7-ին, ընտրությունների երկրորդ փուլում` մայիսի 6-ին պարտություն կրելուց հետո: