Հայաստանի երկրապահ կամավորականների միության վերջին համագումարում հնչեցրած այն հայտարարությունը, թե ընտրությորւնների ժամանակ սատարելու են գործող նախագահ Սերժ Սարգսյանին, զինված ուժերի քաղաքականացում չի նշանակում: Այդ մասին լրագրողների հետ ճեպազրույցում հայտարարեց ՀՀ արդարադատության նախարար Հրայր Թովմասյանը:
Նրա խոսքով` միայն այն դեպքում, երբ պաշտպանության նախարարը որոշում կկայացնի այս կամ այն քաղաքական ուժին սատարելու մասին, կարելի է ասել, որ բանակը խառնվել է քաղաքականությանը: Այն դիտողությանը, որ պաշտպանության նախարար Սեյրան Օհանյանը ներկայում ԵԿՄ անդամ է, Հ. Թովմասյանը պատասխանեց. «Տվյալ գեներալը կարող է լինել ֆիլատելիստների միության անդամ, ու այդ միությունը կարող է ինչ-որ մեկին պաշտպանել, դա չի նշանակում, որ բանակը խառնվել է քաղաքականությանը»:
