Նոր մանրամասներ են հայտնի դարձել Նար-Դոսի փողոցում, «Իդեալ» խանութի մոտ «Տոյոտա Քեմրի» մեքենայի հրկիզման վերաբերյալ:
Ավելի վաղ NEWS.am-ը հայտնել էր, որ մարտի 15-ին, ժամը 06.25-ին, ոստիկանության Երեւան քաղաքի վարչության հերթապահ մասում ահազանգ էր ստացվել, որ Նար-Դոսի փողոցում, «Իդեալ» խանութի մոտ, ավտոմեքենա է այրվում:
Պարզվել էր, որ ժամը 06.15-ի սահմաններում, Նար-Դոսի փողոցի թիվ 69 շենքի մոտ, անհայտ անձը դիտավորյալ հրկիզել է 29-ամյա Աննա Պ.-ին պատկանող «Տոյոտա Քեմրի» մակնիշի ավտոմեքենան` պատճառելով 23.000 ԱՄՆ դոլարի նյութական վնաս:
Ոստիկանները պարզել են, որ հրդեհի պատճառով վնասվել է նաեւ նշված ավտոմեքենայի կողքին կայանված «ՎԱԶ-21104-110» մակնիշի ավտոմեքենան:
Հանգամանքները եւ վնասի չափը պարզվում են:
Ձեռնարկվում են միջոցառումներ անհայտ անձի ինքնությունը պարզելու եւ հայտնաբերելու ուղղությամբ:
Կատարվում է հետաքննություն: