Կրասնոդարի նահանգապետ Ալեքսանդր Տկաչեւը նշանակվել է Ռուսաստանի նախագահի` Աբխազիայի գծով հատուկ ներկայացուցիչ:
Համապատասխան հրամանագիրը ՌԴ նախագահ Դմիտրի Մեդվեդեւը ստորագրել է այսօր` մարտի 16-ին:
Նշենք, որ 51-ամյա Տկաչեւը մասնագիտությամբ ինժեներ-մեխանիկ է: Նա Կրասնոդարի մարզը ղեկավարում է արդեն 12 տարի:
Ավելի վաղ NEWS.am-ը հայտնել էր, որ կրասնոդարցի հայտնի բլոգեր Միխայիլ Աբրամյանը մարտի 12-ին միանյակ բողոքի ակցիա է արել Կրասնոդարի մարզի վարչական շենքի մոտ` Ալեքսանդր Տկաչովին չորրորդ անգամ Կրասնոդարի նահանգապետ նշանակելու որոշման դեմ: Նա պահել էր «Տկաչով, հանգստացիր» գրառումով պաստառ:
Ինչպես հայտնում է Ռուսաստանի հայերի «Երկրամաս» թերթը, ակցիան սկսվել է ժամը 14-ին եւ տեւել մոտ մեկ ժամ: Ակցիայի ընթացքում երիտասարդին են մոտեցել ՆԳՆ աշխատակիցներ, որոնք կտրականապես հրաժարվել են ներկայանալ եւ փաստաթուղթ ներկայացնել: Նրանք Աբրամյանից պահանջել են անձնագիրը, վերցրել եւ չքվել: Անձնագիրը վերադարձրել են, երբ Աբրամյանը դիմել է ոստիկանությանն ու դատախազին:
Նշենք, որ Դմիտրի Մեդվեդեւը երեկ Տկաչովի թեկնածությունն առաջարկել է մարզի օրենսդիր մարմնին հաստատելու համար:
