Սիրիայի մայրաքաղաք Դամասկոսում մարտի 17-ին կրկնակի ահաբեկչություն է իրականացվել. ականապատ երկու ավտոմեքենա պայթել են կառավարական անվտանգության ուժերի շենքի մոտ: Կան զոհեր եւ վիրավորներ:
Ինչպես հաղորդում է ԻՏԱՌ-ՏԱՍՍ-ը, վկայակոչելով լիբանանական «Ալ Մանար» հեռուստաընկերությանը, ահաբեկչություններից մեկը տեղի է ունեցել ռազմական հակահետախուզության շենքի մոտ, Թահրիր հրապարակի մերձակայքում: Երկրորդ պայթյունը որոտացել է Օմեյադով հրապարակում, որտեղ երկու օր առաջ տեղի էր ունեցել հանրահավաք` ի պաշտպանություն նախագահ Բաշար Ասադի:
