Բոլորին հայտնի է Գագիկ Բեգլարյանի պատմությունը, բայց մարդուն կարելի է մեկ անգամ նախատել, ավելի անգամ չի կարելի նախատել: Այս մասին, այսօր` մարտի 20-ին, մամուլի ասուլիսի ընթացքում ասաց ԱԺ ՀՀԿ-ական պատգամավոր, կուսակցության փոխնախագահ Ռազմիկ Զոհրաբյանը:
«Ի վերջո նա հասկացավ իր սխալը, բայց արդեն իր հրաժարկանը կար եւ այսօր նա մեր ընտրաթիմի մասնակիցն է»,- ընդգծեց նա, անդրադառնալով այն հարցին, թե Երեւանի նախկին քաղաքապետ Գագիկ Բեգլարյանի հայտնվելը ՀՀԿ-ի համամասնական ցուցակի առաջին տասնյակում չի՞ ազդի ՀՀԿ-ի վարկանիշի վրա:
Ինչ վերաբերում է Առաքել Մովսիսյանին (մականունը` «Շմայս») եւ գեներալ Մանվել Գրիգորյանի` ՀՀԿ ցուցակում ընդգրկվելուն, Ռ. Զոհրաբյանն ասաց, որ նրանք պատերազմի մասնակիցներ են եւ եթե հիմա ունենք ազատ ու անկախ Հայաստան, դա նաեւ իրենց շնորքն է:
Լուսանկարը` Սոնա Բարսեղյանի
