ԱՄՆ պետքարտուղար Հիլարի Քլինթոնը ապրիլի 10-20-ն ընկած ժամանակահատվածում կայցելի Վրաստան: Այս մասին հայտնել է «Պիրվելի» գործակալությունը` վկայակոչելով տեղեկացված իր աղբյուրը: Ըստ այդմ, Քլինթոնը հանդիպումներ կունենա երկրի իշխանությունների եւ ընդդիմության ներկայացուցիչների հետ:
Վրաստանի ԱԳՆ-ն իր կողմից նշում է, որ ամսաթիվը հստակեցվում է, որպեսզի համապատասխանեցվի Քլինթոնի շատ լարված գրաֆիկի հետ, հաղորդում է «Վզգլյադ»-ը:
ԱՄՆ-ը մեծ հետաքրքրություն է ցուցաբերում Վրաստանում ստեղծված իրավիճակին` կապված այդ երկրում հոկտեմբերին կայանալիք խորհրդարանական ընտրությունների հետ: